ბორჯომში  მოსწავლე-ახალგაზრდობის სახლის რეაბილიტაცია დასრულდა

ბორჯომში, მოსწავლე-ახალგაზრდობის სახლის სრული რეაბილიტაცია დასრულდა. ამის შესახებ „ინტერპრესნიუსს“ ბორჯომის მუნიციპალიტეტიდან აცნობეს.

მათი ინფორმაციით, შენობის რეაბილიტაციისთვის 400 562 ლარი დაიხარჯა.

„პროექტის ფარგლებში, შეიცვალა იატაკი, ჭერი და კარ-ფანჯრები, ასევე, გაკეთდა კიბეები და ლითონის მოაჯირები, შეიცვალა სახურავი და განახლდა გარე ფასადი; მოწესრიგდა გათბობის სისტემა და ელექტროგაყვანილობა, მოეწყო შიდა და გარე წყალ-კანალიზაციის ქსელი. უახლოეს პერიოდში შენობა ახალი ინვენტარით აღიჭურვება, რის შემდეგაც მოსწავლე-ახალგაზრდობის სახლი ფუნქციონირებას დაიწყებს. ბორჯომის მოსწავლე-ახალგაზრდობის სახლში 13 წრე ფუნქციონირებს. დაახლოებით 200-მდე აღსაზრდელი უახლოეს მომავალში განახლებული ინფრასტრუქტურით ისარგებლებს. ბორჯომის მოსწავლე–ახალგაზრდობის სახლის რეაბილიტაციისთვის 400 562 ლარი დაიხარჯა. რეაბილიტაცია ბორჯომის მუნიციპალიტეტისა და რეგიონული განვითარების ფონდის თანადაფინანსებით განხორციელდა. შეგახსენებთ, რომ მოსწავლე-ახალგაზრდობის სახლში ბოლო 50 წელია სარემონტო საუშაოები არ ჩატარებულა“, - ნათქვამია ინფორმაციაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა