ბათუმში გამოცემა "ბათუმელების" მხარდამჭერი აქცია  გაიმართა

ბათუმში გამოცემა "ბათუმელების" მხარდამჭერი სოლიდარობის აქცია გაიმართა. აქციაზე ჟურნალისტები და არასამთავრობო ორგანიზაციების წარმომადგენლები შეიკრიბნენ.

ჟურნალისტების განცხადებით, ხელვაჩაურის მერმა ჯუმბერ ვარდმანიძემ კოლეგის მიმართ სიძულვილის ენა და შეურაცხმყოფელი სიტყვები გამოიყენა, ჟურნალისტებმა საჯარო პირის მხრიდან აღნიშნული ფაქტი დაგმეს.

"ჯუმბერ ვარდმანიძისგან ეს დამოკიდებულება არ გამკვირვებია, რადგან ბიძინა ივანიშვილის ხელისუფლებამ ეს პრაქტიკა და მიდგომა დიდი ხნის წინ დაამკვიდრა. წლებია, ჩვენ ვხედავთ, როგორ ახალისებს ხელისუფლება სიძულვილის ენას, ძალადობას, როგორ ესხმიან თავს რეპორტიორებს კრიტიკული კითხვების გამო. მე დღეს აქციაზე იმიტომ გამოვედი, რომ კოლეგებს სოლიდარობა გამოვუცხადო. მიუხედავად მათი ასეთი აგრესიისა, ჩვენ კრიტიკული კითხვების დასმას კვლავ გავაგრძელებთ, და მუდამ დისკომფორტს შევუქმნით" , - განაცხადა სამაუწყებლო კომპანია „TV 25“-ის საინფორმაციო სამსახურის უფროსმა.

ცნობისთვის, გამოცემის ინფორმაციით, ხელვაჩაურის მერმა ჯუმბერ ვარდმანიძემ გამოცემა "ბათუმელების" ჟურნალისტს კრიტიკული კითხვის დასმის გამო, სიტყვიერი შეურაცხყოფა მიაყენა და დაემუქრა.

ხელვაჩაურის მერის ჟურნალისტთან სატელეფონო საუბარი თავად გამოცემამ სოციალურ ქსელში გაავრცელა.

„ხელვაჩაურის მერის გაღიზიანება მოჰყვა ჟურნალისტის შეკითხვას, რატომ გადაადგილდება მერი „ქართული ოცნების“ მაჟორიტარი კანდიდატის საარჩევნო კამპანიაში მერიის კუთვნილი ავტომანქანით, რასაც კანონი კრძალავს. მერმა ჯერ სიტყვიერი შეურაცხყოფა მიაყენა ჟურნალისტს, შემდეგ კი გინებაზე გადავიდა. მან ზუსტად იცოდა, რომ ესაუბრებოდა ჟურნალისტს. საჭიროდ ჩავთვალეთ გამოგვექვეყნებინა ჩანაწერის ფრაგმენტი, რადგან, ვთვლით, რომ საზოგადოებამ უნდა იცოდეს ამ ფაქტის შესახებ“, - აცხადებს ნანა კვაჭაძე, „ბათუმელების“ მმართველი რედაქტორი.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა