,,ქართული ოცნების“ ზუგდიდის მაჟორიტარი დეპუტატობის კანდიდატი ირაკლი ჩიქოვანი, მოსახლეობასთან შეხვედრებს აქტიურად განაგრძობს. ამის შესახებ ინფორმციას პრესსასმსახური ავრცელებს.

ირაკლი ჩიქოვანი დღეს მაცხოვრისკარის ადმინისტრაციულ ერთეულში თათარაშვილის ქუჩის მცხოვრებლებს შეხვდა.

,,შეხვედრებზე ძალიან კარგი განწყობაა, ვუახლოვდებით საარჩევნო მარათონის ბოლოს და ყველასთვის ცხადია, რომ ჩვენ გვაქვს ამომრჩევლის მნიშვნელოვანი მხარდაჭერა.

ამომრჩეველმა იცის, რომ სხვადასხვა გამოწვევისთვის შემუშავებული გვაქვს კონკრეტული გეგმები, თუ როგორ უნდა ვიმოქმედოთ მას შემდეგ, რაც პოზიტიურ შედეგს დავდებთ ზუგდიდში და, რა თქმა უნდა, ყველანი ერთად დავიწყებთ მუშაობას უკეთესი, კიდევ უფრო კომფორტული ზუგდიდისთვის.

ზუგდიდი გახდება, კიდევ უფრო მიმზიდველი ქალაქი როგორც ზუგდიდელებისთვის, ისე ტურისტებისთვის, ჩვენ შევქმნით ამისათვის მეტ ეკონომიკურ შესაძლებლობას და ყველა წინაპირობას, რომ ზუგდიდი ერთ-ერთი ყველაზე განვითარებული ქალაქი იყოს საქართველოში“, - განაცხდა ირაკლი ჩიქოვანმა.