ფოთში დაფიქსირებული კორონავირუსის 44 შემთხვევიდან, უმრავლესობა „აჭარა ტექსტილის" თანამშრომელია
ფოთში კორონავირუსის 44 ახალი შემთხვევა დაფიქსირდა. ინფიცირებულთა უმრავლესობა „აჭარა ტექსტილის" თანამშრომელია.
საზოგადოებრივი ჯანდაცვის ადგილობრივი ცენტრის ინფორმაციით, შესაძლოა, „აჭარა ტექსტილში" „კოვიდ 19“ კიდევ გამოვლინდეს, რადგან მათივე თქმით, კვლევა სამკერვალო ფაბრიკაში ჯერ არ დასრულებულა. ცენტრის დირექტორის, ნანა მხეიძის განცხადებით, პანიკის საფუძველი არ არსებობს და ფოთში სიტუაცია კონტროლს ექვემდებარება.
