არჩილ თალაკვაძე დავით გარეჯზე - კონკრეტულ საკითხებს გამოძიება იძიებს, ამ დროს ძველი ოპოზიცია გამოდის და ორკესტრირებულად თავს იმართლებს - ჰკითხეთ ამ ხალხს, თავს რაზე იმართლებენ?

გამოძიებას ჯერ კიდევ არ ჰქონდა ბრიფინგი ჩატარებული, როდესაც ძველი ოპოზიციისგან ორკესტრირებული თავდაცვის რეაქცია ვნახეთ, - ამის შესახებ პარლამენტის თავმჯდომარემ, არჩილ თალაკვაძემ დავით გარეჯთან დაკავშირებით თემის კომენტირებისას განაცხადა.

არჩილ თალაკვაძის განცხადებით, როდესაც ჯერ გამოძიება მიმდინარეობს და „ოპოზიცია თავს იმართლებს, ეს კითხვის ნიშნებს ბადებს“.

„სამშობლოს და სახელმწიფოს ინტერსებს პოლიტიკური კალენდარი არ გააჩნია. სახელმწიფოს და სამშობლოს ინტერესები არის ნომერ პირველი და როდესაც საჭიროება მოითხოვს, ხელისუფლება იმისთვის არის, რომ ნაბიჯები გადადგას. ჩვენ იმის ფუფუნება არ გვაქვს, რომ ნებისმიერ სახელმწიფოებრივ საკითხთან დაკავშირებით მომავალში თემები გადავდოთ. ვინ სცადა ამ საკითხის პოლიტიზირება, მგონი საზოგადოება კარგად ხედავს. ჯერ კიდევ გამოძიებას არ ჰქონდა ბრიფინგი ჩატარებული, როდესაც ძველი ოპოზიციისგან ვნახეთ ორკესტრირებული თავდაცვის რეაქცია. რაზე იმართლებდნენ თავს, მაშინაც ვიკითხე და დღესაც ვკითხულობ. გაგიჩნდათ ეს შეკითხვა? კონკრეტულ საკითხებს გამოძიება იძიებს, ამ დროს ძველი ოპოზიცია გამოდის და ორკესტრირებულად თავს იმართლებს. კითხეთ ამ ხალხს, თავს რაზე იმართლებენ, ეს კითხვის ნიშნებს ბადებს“,-განაცხადა თალაკვაძემ.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში