საპარლამენტო ფრაქცია "ნაციონალური მოძრაობის" თავმჯდომარის რომან გოცირიძის განცხადებით, ხელისუფლება არჩევნებზე მარცხისთვის განწირულია.

როგორც მან "ინტერპრესნიუსს" განუცხადა, "ქართული ოცნება" შეშინებულია ".

მისი შეფასებით, ხელისუფლებამ დრო და ფული საკუთარ პოლიტიკურ ინტერესებს მოახმარა.

"ძალიან შეშინებულები არიან, ჩააფლავეს ყველაფერი, რისი ჩაფლავებაც შეიძლებოდა, ჩამოშალეს ლარი, დაანგრიეს ეკონომიკა და საშინელი სომხური სცენარით მიმდინარეობს ქვეყანაში პანდემია. უკვე დღეში 700-მდე ინფიცირებულია, თუ ასე გაგრძელდა, ჩვენ გავასწრებთ სომხეთს და ყველა იმ ქვეყანას, სადაც ეს ყველაზე ცუდი ფორმით წარიმართა. ჰქონდათ 5 მილიარდი, დრო, მაგრამ ვერაფერი გააკეთეს ვერც ჯანდაცვის სისტემის, ვერ ეკონომიკის ფეხზე დასაყენებლად. აი, ეს არის ხელისუფლების ნამდვილი სახე, მათ ეს ფული საკუთარ პოლიტიკურ და კორუფციულ ინტერესებს მოახმარეს, ამიტომ, " ქართული ოცნების" ხელისუფლება განწირულია. ორი კვირის შემდეგ, ჩვენ ამ შედეგს ვნახავთ", -აცხადებს გოცირიძე.