ირაკლი ჩიქოვანი - ზუგდიდში მცხოვრებ ყველა დევნილს საკუთარი საცხოვრებელი ექნება

"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი დევნილ ოჯახებს ბარამიას, თაბუკაშვილის ქუჩებსა და ენგურის ადმინისტრაციულ ერთეულში მდებარე დასახლებაში შეხვდა.

ირაკლი ჩიქოვანის თქმით, ზუგდიდში მცხოვრებ ყველა დევნილს მომდევნო 2-3 წლის განმავლობაში საკუთარი საცხოვრებელი ექნება.

,,დევნილებისათვის ღირსეული საცხოვრებელი პირობების შესაქმნელად მუდმივ რეჟიმში გავაგრძელებთ მუშაობას. თავიანთ მშობლიურ სახლებში დაბრუნებამდე, რაც, ცხადია, ჩვენი საბოლოო მიზანია, ზუგდიდში მცხოვრებ ყველა დევნილს ექნება საკუთარი საცხოვრებელი - ამას თითოეულ დევნილს ვპირდები. ზუგდიდში ბინა უკვე 895 დევნილ ოჯახს გადავეცით. ახლაც მიმდინარეობს მასშტაბური სამშენებლო სამუშაოები, საერთო ჯამში, 1000-მდე დევნილი ოჯახის საცხოვრებლით უზრუნველსაყოფად" ,- აღნიშნა ირაკლი ჩიქოვანმა.

კანდიდატმა იმ პროექტზეც გაამახვილა ყურადღება, რომელიც დევნილი ოჯახებისთვის სახლის შესყიდვას გულისხმობს.

„ზუგდიდის მუნიციპალიტეტში უკვე 800-მდე დევნილ ოჯახს გადაეცა სახლი სოფლად საკარმიდამო მიწის ნაკვეთით. დევნილებთან გამართულ შეხვედრას საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გიორგი წოწკოლაური, ფინანსთა მინისტრის მოადგილე მიხეილ დუნდუა, დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ბესარიონ სიმონიშვილი, ზუგდიდის საარჩევნო შტაბის უფროსი გიორგი შენგელია, ქალაქის მოქმედი მაჟორიტარი მერაბ ქვარაია და სახელმწიფო რწმუნებულის აპარატის უფროსი ლაშა გვასალია ესწრებოდნენ“,- ნათქვამია ინფორმაციაში, რომელსაც „ქართული ოცნების“ პრესსამსახური ავრცელებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!