გამგებლის ინფორმაციით, დე ფაქტო რეჟიმმა პედაგოგს ახალგორის დატოვების უფლება არ მისცა და არასრულფასოვანი სამედიცინო მომსახურების გამო, კიდევ ერთი ადამიანი დაიღუპა

ახალგორის გამგებლის ინფორმაციით, ოკუპირებულ ახალგორში არასრულფასოვანი სამედიცინო მომსახურების გამო კიდევ ერთი ადამიანი დაიღუპა. ახალგორის #1 საშუალო სკოლის რუსული ენის პედაგოგი ვერა კოტოლოვა, რომელსაც ჯანმრთელობის სერიოზული პრობლემები ჰქონდა და ოკუპირებულ დაბაში შესაბამისი სამედიცინო მომსახურების გაწევის საშუალება არ იყო, გუშინ საღამოს გარდაიცვალა. კოტოლოვას ახლობლების ინფორმაციით, ოჯახმა რამდენჯერმე მიმართა დე ფაქტო რეჟიმის წარმომადგენლებს ახალგორში, თუმცა მათ საშუალება არ მისცეს, რომ პაციენტს ოკუპირებული დაბა დაეტოვებინა და საქართველოს ცენტრალური ხელისუფლების მიერ კონტროლირებად ტერიტორიაზე არსებულ სამედიცინო დაწესებულებებში ემკურნალა. აღნიშნული ინფორმაცია ,,ინტერპრესნიუსს“ დაუდასტურა ახალგორის მუნიციპალიტეტის გამგებელმაც. ნუგზარ თინიკაშვილის განცხადებით, პედაგოგის გარდაცვალების მიზეზი სწორედ ის გახდა, რომ მას შესაბამისი სამედიცინო სერვისების მიღების საშუალება არ მისცეს.

“სამწუხარო ფაქტი მოხდა, გარდაიცვალა ცნობილი პედაგოგი, რომელიც ათწლეულების განმავლობაში მუშაობდა ახალგორის პირველ სკოლაში და არაერთი თაობა აღზარდა. ვერა კოტოლოვას ჯანმრთელობის პრობლემები ჰქონდა და არაერთი მცდელობის მიუხედავად, დე ფაქტო რეჟიმის წარმომადგენლებმა არ მისცეს უფლება, რომ დაეტოვებინა ოკუპირებული დაბა და ცენტრალური ხელისუფლების მიერ კონტროლირებად ტერიტორიაზე ესარგებლა სრულფასოვანი სამედიცინო მომსახურებით. კოტოლოვას გარდაცვალების მიზეზი სწორედ ეს ფაქტი გახდა. სამწუხაროდ, კოტოლოვა პირველი არ არის. ამ უკანონო ქმედებებით და შეზღუდვებით, რაც ოკუპირებული რეგიონის ე.წ. ხელისუფლებას აქვს დაწესებული, სხვა პრობლემების გარდა, უმძიმესი ჰუმანიტარული კრიზისი იქმნება როგორც ეთნიკურად ქართველი, ასევე ოსი ეროვნების მოსახლეობისთვის“, - განაცხადა ახალგორის მუნიციპალიტეტის გამგებელმა ნუგზარ თინიკაშვილმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს