რუსთავის #14 საჯარო სკოლაში კორონავირუსით ინფიცირების 3 შემთხევა დაფიქსირდა.
როგორც „ინტერპრესნიუსთან“ საუბარში სკოლის დირექტორმა, ინგა გელაშვილმა განაცხადა, კორონავირუსული ინფექცია, თავდაპირველად დაწყებითი კლასის მასწავლებელს და შვილს დაუდასტურდა, რომელიც, მისივე მოსწავლეა, შემდგომ კი სკოლის მანდატურს.
გელაშვილის განცხადებით, მე-14 საჯარო სკოლა მთლიანად სწავლების დისტანციურ რეჟიმზე გადავიდა. ამ დროისთვის თვითიზოლაციაში 317 მოსწავლე და 37 მასწავლებელი იმყოფება.