ბათუმის რესპუბლიკურ საავადმყოფოში კორონავირუსით ინფიცირებული 208 პაციენტიდან 8-ის მდგომარეობა კრიტიკულად მძიმეა.
როგორც კლინიკის ექიმი გია კიკაბიძე აცხადებს, 44 პაციენტი რეანიმაციულ განყოფილებაში არის მოთავსებული.
მისივე ინფორმაციით, კლინიკაში საწოლების რაოდენობა 220-მდე გაიზარდა.
„კლინიკაში მოთავსებული 44 პაციენტი რეანიმაციაში იმყოფება, მათზე მუდმივი მეთვალყურეობა მიმდინარეობს. სამწუხაროდ 8 ადამიანი კრიტიკულად მძიმე მდგომარეობაშია, ისინი მართვით სუნთქვაზე იმყოფებიან. 22 პაციენტს კი ჟანგბადი მუდმივ რეჟიმში მიეწოდება.
კლინიკაში გასული 24 საათის განმავლობაში გარდაცვალების ერთი შემთხვევა დაფიქსირდა, ხანდაზმულ ქალბატონს სუნთქვის უკმარისობა და სხვა თანმდევი დაავადებები აღენიშნებოდა“, - აღნიშნა კიკაბიძემ.