სამხრეთ ოსეთსა და რუსეთს შორის საზღვრების დემარკაციის პროცესი არ შეიძლება შეფასდეს, როგორც ორი ქვეყნის ურთიერთობების გამიჯვნა, რესპუბლიკა თავის თავს რუსეთის გარეთ არ განიხილავს,“- ადგილობრივი მედიის ინფორმაციით, ამის შესახებ ე.წ. პრეზიდენტმა ანატოლი ბიბილოვმა ე.წ. რუსეთ- “სამხრეთ ოსეთის” ერთობლივი სადემარკაციო კომისიის შეხვედრის შემდეგ განაცხადა.

მათივე ინფორმაციით, ბიბილოვმა „კომისიის“ მუშაობას „მაღალი შეფასება“ მისცა.

„ფაქტობრივად, პროცესის დასრულებისკენ მივდივართ, მაგრამ ეს პროცესები არ შეიძლება შეფასდეს, როგორც ორი ქვეყნის ურთიერთობების გამიჯვნა. ჩვენ არ ვხედავთ სამხრეთ ოსეთს რუსეთის გარეთ, ისევე როგორც არ ვხედავთ ჩრდილოეთ და სამხრეთად გაყოფილ ოსეთს,“- განაცხადა ანატოლი ბიბილოვმა.