შალვა კერესელიძემ საარჩევნო კამპანია დუშეთის მუნიციპალიტეტში, ქალაქ დუშეთში მოსახლეობასთან შეხვედრით დაასრულა

მცხეთა-მთიანეთის საარჩევნო ოლქში პარტია „ქართული ოცნება დემოკრატიული- საქართველოს“ მაჟორიტარი დეპუტატობის კანდიდატმა, შალვა კერესელიძემ ბოლო ერთი თვის განმავლობაში, მუნიციპალიტეტის მასშტაბით, ასზე მეტი შეხვედრა გამართა.

მაჟორიტარობის კანდიდატი ამომრჩეველს არსებული საჭიროებების მოგვარების გზებზე ესაუბრა და დაგეგმილი პროექტების შესახებ მიაწოდა ინფორმაცია.

მუნიციპალიტეტში ერთ-ერთი მთავარი გამოწვევა სასმელი წყლის პრობლემაა. როგორც შალვა კერესელიძემ განაცხადა, წყლის პრობლემის აღმოფხვრა მთავრობისთვის მომდევნო წლებში პრიორიტეტული საკითხი იქნება.

„საარჩევნო კამპანია დუშეთის მუნიციპალიტეტში დავასრულე, ბოლო ერთი თვის განმავლობაში შევხვდი ათასობით მოქალაქეს, გავმართე ასზე მეტი შეხვედრა. ვიმყოფებოდი დუშეთის ბაზარში, სადაც იქ დასაქმებულ მოქალაქეებს არსებულ საჭიროებებზე და მისი გადაჭრის გზებზე ვესაუბრე. ძალიან დიდი მადლობა ყველა დუშელს, ვინც ჩემთან შეხვედრებზე მოვიდა. ჩვენ ერთად გავიმარჯვებთ 31 ოქტომბერს,“ - განაცხადა შალვა კერესელიძემ.

ინფორმაციას მაჟორიტარი დეპუტატობის კანდიდატის პრესსამსახური ავრცელებს.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!