რუსთავის „ხარების“ რამდენიმე მოთამაშე თვითიზოლაციაში იმყოფება

სარაგბო გუნდ რუსთავის „ხარების“ რამდენიმე მოთამაშე თვითიზოლაციაში იმყოფება. როგორც ,,ხარების“ მთავარი მწვრთნელი მამუკა მინდორაშვილი აცხადებს, 9 ოქტომბერს, რუსთავის „ხარებს“ თამაში ჰქონდა ,,ლოკომოტივთან“, რომლის ერთ-ერთ მორაგბეს კორონავირუსი დაუდასტურდა.

,,ინფიცირებულ მორაგბესთან უშუალო კონტაქტში მყოფი ჩვენი რამდენიმე მორაგბე გადასულია თვითიზოლაციაში. მათ ჯერჯერობით არანაირი სიმპტომები არ აღენიშნებათ. თვითიზოლაციაში მყოფებს ჩაუტარდებათ ტესტირება და თუ უარყოფითი პასუხი იქნება, შეურთდებიან გუნდის ვარჯიშს. თუ ყველაფერი კარგად იქნება, ჩვენ შემდეგ კვირას ვეთამაშებით ,,აკადემიას“. დღევანდელი თამაში გადაიდო, რადგან ,,იუნკერების“ ორ მოთამაშესაც დაუდგინდა კორონავირუსი“, - აცხადებს მამუკა მინდორაშვილი.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს