აჭარის მთავრობის სახლთან სხვადასხვა სფეროში დასაქმებული მოქალაქეები აქციას მართავენ და პანდემიის გამო დაწესებულ შეზღუდვებს აპროტესტებენ. პროტესტის ნიშნად კი 8 ადამიანი შიმშილობს.

როგორც შეკრებილები აცხადებენ, რამდენიმე თვეა სამსახურის გარეშე დარჩნენ და ფინანსური კრიზისი შეექმნათ.

შეკრებილების მთავარი მოთხოვნაა, საბანკო სესხების უპროცენტო გადავადება მოხდეს და სახელმწიფოს მხრიდან კომპენსაციის გაცემა პანდემიის დასრულებამდე გაგრძელდეს.

ცნობისთვის, აღნიშნულმა მოქალაქეებმა მსგავსი მოთხოვნებით, საპროტესტო აქცია ბათუმში არაერთხელ გამართეს.