აჭარაში კოვიდკარანტინში 41 წლის ქალის გარდაცვალებასთან დაკავშირებით მოკვლევა დაიწყო, - ამის შესახებ საქართველოს ჯანდაცვის მინისტრის მოადგილე თამარ გაბუნიამ განაცხადა.

მისი განმარტებით, პირველადი ინფორმაციით, ინფიცირებული ქალის გარდაცვალება თრომბოემბოლარულმა გართულებამ გამოიწვია.

თამარ გაბუნიას თქმით, კვლევის შედეგ გარდაცვალების დეტალები გახდება ცნობილი.

„მედიცინაში რთულია 100 პროცენტიანი გადაზღვევა რისკების, გამონაკლისი აუცილებლად იქნება და ამისთვის არსებობს ტრენინგები, მთავარია ზედმეტად არ გარისკონ ექიმებმა და ვისაც სტაციონარი სჭირდება, არ მოხვდეს ბინაზე. რაც შეეხება გუშინდელ შემთხვევას, პირველადი დაკვირვებით სახეზე იყო თრომბოემბოლური გართულება, თუმცა მიმდინარეობს მოკვლევა და დეტალური სურათი მოკვლევის შემდეგ გახდება ცნობილი",-განაცხადა თამარ გაბუნიამ.

ცნობისთვის, გუშინ, კოვიდკარანტინში 41 წლის ქალი გარდაიცვალა.

იხილეთ ვიდეო: აჭარაში კოვიდკარანტიში 41 წლის ქალის გარდაცვალებასთან დაკავშირებით მოკვლევა დაიწყო