ოკუპირებული „სამხრეთ ოსეთის“ ე.წ. ჯანდაცვის მინისტრის მოადგილე - ინფექციური საავადმყოფოს საწოლფონდი 100 %-ით არის შევსებული
ინფექციური საავადმყოფოს საწოლფონდი 100 %-ით არის შევსებული. ოკუპირებული ე.წ. სამხრეთ ოსეთის დე ფაქტო ჯანდაცვის სამინისტრო აპირებს დამატებითი სარეზერვო საწოლების განთავსებას კორონავირუსით დაინფიცირებული ახალი ავადმყოფების მისაღებად. ამის შესახებ სააგენტო „რესს“ ე.წ. ჯანდაცვის მინისტრის მოადგილემ, ალა ჩოჩიევამ განუცხადა.
მისი ინფორმაციით, ბოლო დღე-ღამის განმავლობაში ლაბორატორიულად დადასტურებული კოვიდით დაინფიცირებულთა რაოდენობა მკვეთრად გაიზარდა.
„ბოლო დღე-ღამის განმავლობაში „წითელ ზონაში“ ჰოსპიტალიზებულია 11 ადამიანი, ამბულატორიულად მკურნალობს კორონავირუსით დაინფიცირებული 25 პაციენტი. ინფექციური საავადმყოფოს საწოლფონდი მთლიანად შევსებულია. დღეისთვის მიმდინარეობს სარეზერვო საწოლების მომზადება ავადმყოფთა მისაღებად ბავშვთა საავადმყოფოში“, - განაცხადა ჩოჩიევამ.
ბოლო დღე-ღამის განმავლობაში, ოკუპირებულ „სამხრეთ ოსეთში“ 132 ადამიანის ტესტირება ჩატარდა, რომელთაგან ვირუსი 30-ს დაუდასტურდა. პანდემიის მთლიანი პერიოდის განმავლობაში, 16 ოქტომბრის დილამდე დარეგისტრირებულია კორონავირუსის 227 შემთხვევა.
v-if="article.gallery" v-html="article.gallery"
