„სამოქალაქო პლატფორმა 20/20“ - ზუგდიდის 67-ე ოლქში, საუბნო კომისიის შესასვლელებთან, სააგიტაციო მასალის განთავსების წესის დარღვევის ფაქტები გამოვავლინეთ

„სამოქალაქო პლატფორმა 20/20“-მა ზუგდიდის 67-ე ოლქში, საუბნო საარჩევნო კომისიის შესასვლელებთან, სააგიტაციო მასალის განთავსების წესის დარღვევის უამრავი ფაქტი გამოავლინა.

როგორც „სამოქალაქო პლატფორმა 20/20“-ის გრძელვადიანმა დამკვირვებელმა ზუგდიდში ალიკა კუპრავამ განაცხადა, შესაბამისმა სამსახურებმა დროულად უნდა მიიღონ ზომები.

„მნიშვნელოვანია, ქ.ზუგდიდის მუნიციპალიტეტის მერიის ზედამხედველობის სამსახურმა უზრუნველყოს საარჩევნო კანონმდებლობის დარღვევის აღმოფხვრა და კანონდარღვევით განთავსებული სააგიტაციო მასალები ჩამოხსნას საუბნო საარჩევნო კომისიის შესასვლელიდან 25 მეტრის რადიუსში,“- განაცხადა კუპრავამ.

მისივე თქმით, აუცილებელია აგრეთვე, საარჩევნო ადმინისტრაციამ გააკეთოს განმარტება თუ საიდან იწყება 25 მეტრიანი შეზღუდვის ათვლა, რათა გამოირიცხოს ამ საკითხში მანიპულაციები ნებისმიერი პოლიტიკური სუბიექტის მხრიდან.

ინფორმაციას „სამოქალაქო პლატფორმა 20/20“ ავრცელებს.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს