ბათუმის რესპუბლიკური საავადმყოფოს კლინიკური მენეჯერი გია კიკაბიძე "ერთიანი ნაციონალური მოძრაობის" მიერ ბათუმში გამართულ შეკრებას გამოეხმაურა.

როგორც გია კიკაბიძემ ჟურნალისტებს განუცხადა, რეგიონში პანდემიის პირობებში მასშტაბური ღონისძიების ჩატარება დაუშვებელი იყო, რადგან ეს ინფიცირებულთა მატებას გამოიწვევს.

"არც ერთ პოლიტიკურ ძალას არ ვეკუთვნი, ის რაც ხდებოდა ბულვარში მიუღებელია. პანდემიის პირობებში ამდენი ადამიანის ერთად შეკრება, დაუშვებელია. ეს ავადობის მატებას გამოიწვევს", - განაცხადა გიორგი კიკაბიძემ.