ცხინვალის ოკუპირებულ რეგიონში, ბოლო 24 საათის განმავლობაში, კორონავირუსის 57 ახალი შემთხვევა გამოვლინდა და 1 პაციენტი გარდაიცვალა, - ამის შესახებ ინფორმაციას ადგილობრივი მედია ე.წ. „მთავარ სანიტარულ ექიმ“ მარინა კოჩიევაზე დაყრდნობით ავრცელებს.

მისი თქმით, გარდაცვლილი, რომელიც პანდემიის დაწყების დროიდან ცხინვალში დაღუპული პირველი პაციენტია, 88 წლის ქალია, რომელსაც თანმხლები დაავადებებიც აწუხებდა.

დე ფაქტო ხელისუფლების ინფორმაციით, 15 სექტემბრიდან, ანუ რუსეთთან ე.წ. საზღვრის გახსნის დღიდან, ცხინვალში კოვიდ 19-ის 197 შემთხვევა გამოვლინდა.