„თავისუფალი საქართველოს“ ლიდერები ზესტაფონში მხარდამჭერებს შეხვდნენ

ქვეყნის კრიმინალური, კლანური მართვა უნდა დამთავრდეს და ეს დასასრული თავად ხალხმა უნდა გააფორმოს 2020 წლის 31 ოქტომბერს”,- ამის შესახებ „თავისუფალი საქართველოს“ ლიდერმა კახა კუკავამ ზესტაფონში მხარდამჭერებთან შეხვედრისას განაცხადა.

კახა კუკავას განცხადებით, არჩევნებამდე სულ უფრო ცოტა დრო რჩება, რაც იმას ნიშნავს, რომ ქვეყანა მმართველობის ახალ ფაზაში უნდა გადავიდეს.

„ხელისუფლება ქვეყნის მმართველობის 8 წელს ითვლის. ალბათ, ახლაც გახსოვთ „ქართული ოცნების“ დაპირება 100 ქარხნის „აგუგუნების“ შესახებ.

ერთ დროს ამ ქალაქში ქარხნები მართლაც გუგუნებდა, მაგრამ ახლა რაც ხდება ყველას კარგად მოგეხსენებათ. ის რაც ოცდაათწლიან ძარცვას გადაურჩა, დღეს ისიც სულს ღაფავს, მუშახელი კი იმდენად კაბალურ პირობებში მუშაობს, რომ თვიდან-თვემდე ვალიდან-ვალით უხდება საკუთარი თავისა და ოჯახების რჩენა. ქვეყნის კრიმინალური, კლანური მართვა უნდა დამთავრდეს და ეს დასასრული თავად ხალხმა უნდა გააფორმოს 2020 წლის 31 ოქტომბერს.

ჩვენ ვართ ერთადერთი პოლიტიკური ძალა, რომელიც ღიად აცხადებს: ქვეყანაში უნდა დასრულდეს მიგრანტებისთვის ბინადრობის უფლებების დაკანონება, ადგილობრივ პროდუქციას განსაკუთრებული პრიორიტეტი უნდა მიენიჭოს, ასევე მევახშეობა უნდა აეკრძალოთ ბანკებს, ხოლო უცხოეთში გახიზნული ქართველები, საკუთარ სამშობლოში უნდა დაბრუნდნენ და მათ სამუშაო ადგილებზე, მონოპოლისტური პრინციპებით დასაქმებულმა უცხოელებმა არ უნდა იმოქმედონ“,- განაცხადა კუკავამ.

ზესტაფონელებს, დღეს იმერეთის მაჟორიტარმა დეპუტატმაც მიმართა.

გოგი წულაიას განცხადებით, ხელისუფლება, რომელიც 8 წლის განმავლობაში ხალხის მოტყუებით არის დაკავებული, სახლში უნდა წავიდეს.

„ორმილიონამდე ქართველი ემიგრაციაშია, ხოლო ქვეყანაში დარჩენილი სამი მილიონი ქართველი, სიღარიბისა და სიღატაკის მძევალი გახდა. აი, ეს მიიღო ჩვენმა საზოგადოებამ მილიარდერის დაპირებების ფონზე და სანამ ქვეყანა მთლიანად არ „დაიხურა“, ყველამ სწორი არჩევანი უნდა გავაკეთოთ. არსებული ჭაობიდან ამოსვლის რეალური შანსი 31 ოქტომბრის არჩევნებია, ამ შანსს კი, გონივრული გამოყენება სჭირდება“,-განაცხადა გოგი წულაიამ.

ინფორმაციას „თავისუფალი საქართველოს“ პრესსამსახური ავრცელებს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა