ბათუმის რესპუბლიკურ საავადმყოფოში კორონავირუსით ინფიცირებული 207 პაციენტიდან 45 რეანიმაციულ განყოფილებაში არის მოთავსებული.

როგორც კლინიკის ექიმი გია კიკაბიძე ჟურნალისტებთან საუბრისას აცხადება, 11 პაციენტის ჯანმრთელობის მდგომარეობა კრიტიკულად მძიმეა, ხოლო 22 პაციენტს მუდმივ რეჟიმში ჟანგბადი მიეწოდება.

"კლინიკაში მოთავსებული 6 პაციენტის მდგომარეობა გაუმჯობესდა, მათ კოვიდკარანტინში გადავიყვანთ.

რაც შეეხება კლინიკაში არსებულ ზოგად მდგომარეობას, განყოფილებაში მყოფ პაციენტებს ორმხრივი პნევმონია აღენიშნებათ, რომლებსაც ანტივირუსული და ანტიბაქტერიული მკურნალობა უტარდებათ.

სამწუხაროდ, ჩვენს კლინიკაში კოვიდინფიცირებული ორი პაციენტი გარდაიცვალა",- განაცხადა გია კიკაბიძემ.