აჭარის ტელევიზიის თანამშრომელს კორონავირუსი დაუდგინდა

საზოგადოებრივი მაუწყებლის აჭარის ტელევიზიისა და რადიოს საინფორმაციო სამსახურის ოპერატორს კორონავირუსი დაუდასტურდა.

როგორც არხის ადმინისტრაციაში განაცხადეს, მათი თანამშრომელი თავს კარგად გრძნობს და თვითიზოლაციაში იმყოფება.

"აჭარის ტელევიზიასა და რადიოში ახალი კორონავირუსი, კიდევ ერთ თანამშრომელს, ახალი ამბების სამსახურის ოპერატორს დაუდასტურდა. მან ტესტი გუშინ ჩააბარა, დღეს კი აცნობეს, რომ ინფიცირებული იყო. ოპერატორი ამჟამად თვითიზოლაციაში იმყოფება და თავს კარგად გრძნობს.

რაც შეეხება მის კონტაქტს მაუწყებლის სხვა თანამშრომლებთან, ვინაიდან, მაუწყებელი მუშაობს საგანგებო რეჟიმში და თანამშრომლები გადანაწილებული არიან ე.წ. კლასტერებში, ინფიცირებული ოპერატორი 13 ოქტომბრის შემდეგ სამსახურში არ იმყოფებოდა. 13 ოქტომბერს კი მას სულ 5 ადამიანთან ჰქონდა ახლო ურთიერთობა. ამის გათვალისწინებით, ახალი ამბების სამსახურში, სამსახურის და მაუწყებლის სხვა თანამშრომელთა უსაფრთხოების უზრუნველსაყოფად, გატარდება პროტოკოლით გათვალისწინებული ღონისძიებები. კერძოდ, მუშაობას გააგრძელებს ახალი ამბების თანამშრომელთა ის ჯგუფი, რომელიც ინფიცირებულთან შემხებლობაში არ ყოფილა",- აცხადებენ არხის ადმინისტრაციაში.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს