ზაზა ვაშაყმაძე რუსთავში ევანგელურ-პროტესტანტულ ეკლესიაში იმყოფებოდა, სადაც ნაყოფების დღესასწაული აღინიშნა

რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე და სააგენტოს წარმომადგენლები დღეს რუსთავს ეწვივნენ, სადაც ევანგელურ-პროტესტანტულმა ეკლესიამ ნაყოფების დღესასწაული აღნიშნა. ამის შესახებ "ინტერპრესნიუსს" რელიგიის საკითხთა სახელმწიფო სააგენტოდან აცნობეს.

მათივე ინფორმაციით, რელიგიური ორგანიზაციის წარმომადგენელთათვის და მრევლისთვის ეს დღე სხვა მხრივაც მნიშვნელოვანი იყო.

"დღეს ეკლესიის სატრაპეზო გაიხსნა. როგორც ევანგელურ-პროტესტანტული ეკლესიის უფროსმა პასტორმა, გიორგი ჩიტაძემ თავის გამოსვლაში აღნიშნა, სწორედ რელიგიის საკითხთა სახელმწიფო სააგენტოსა და მისი თავმჯდომარის უშუალო ჩართულობის შედეგად, 2016-2018 წლებში, სახელმწიფოსგან გადაეცათ ეკლესიის შენობის მიმდებარედ არსებული მიწის ნაკვეთი მასზე განთავსებული შენობა-ნაგებობით და დამატებით მიწის ნაკვეთი (საერთო ფართი 250 კვ.მ), სადაც მოეწყო სატრაპეზო. უფროსმა პასტორმა მადლობა გადაუხადა სააგენტოს თავმჯდომარეს რელიგიური გაერთიანების მიმართ არაერთგზის აღმოჩენილი თანადგომისათვის.

სააგენტოს თავმჯდომარემ ხაზი გაუსვა სააგენტოსა და რელიგიურ ორგანიზაციებს შორის დიალოგის მნიშვნელობას და აღნიშნა, რომ დღევანდელი დღე სააგენტოსა და ევანგელურ-პროტესტანტულ ეკლესიას შორის ჩამოყალიბებული კონსტრუქციული თანამშრომლობის მკაფიო გამოხატულებაა. ზაზა ვაშაყმაძის თქმით, სახელმწიფო კვლავაც გვერდში დაუდგება რელიგიურ თემებს, რაც ჩვენი ქვეყნის ტოლერანტული ბუნების კიდევ ერთი გამოხატულება და იმ პრინციპების ერთგულებაა, რასაც დემოკრატიული, ადამიანის უფლებებზე დაფუძნებული საზოგადოების მშენებლობა ჰქვია“,- ნათქვამია ინფორმაციაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა