აჭარის მთავრობის სახლთან ე.წ. ოცნების ქალაქის მცხოვრებლები საპროტესტო აქციას მართავენ

აჭარის მთავრობის სახლთან ე.წ. ოცნების ქალაქში მცხოვრები მოსახლეობა საპროტესტო აქციას მართავს.

როგორც აქციის ერთ-ერთი მონაწილე მარინა ბერიძე აცხადებს, ე.წ. ოცნების ქალაქში 1740 ოჯახი ცხოვრობს და ხელისუფლება კი მხოლოდ 520 ოჯახისთვის აშენებს ბინას.

მარინა ბერიძის განცხადებით, შეკრებილების მთავარი მოთხოვნაა, დასახლებაში ბინები ყველას გადაეცეს და ყველა კატეგორიის მცხოვრები დაკმაყოფილდეს საცხოვრებელი ფართით, წინააღმდეგ შემთხვევაში პროტესტს არ წყვეტენ.

"ახალ კორპუსში 542 ბინა იქნება და არ ვიცით ვინ მიიღებს და რა კრიტერიუმით მოხდება ბინების გადანაწილება. ე.წ "ოცნების ქალაქში" 1740 ოჯახი ცხოვრობს, რომელიც საცხოვრებელ ბინას ელოდება. ჩვენი მოსახლეობა ექვს კატეგორიას შეადგენს - აქ არიან შშმ პირები, მარჩენალ დაკარგულები, ეკომიგრანტები და ა.შ. მთავრობა პასუხს არ გვცემს, მიიღებს თუ არა ყველა კატეგორია ბინას, ჩვენ ამისთვის 9 წელია ვიბრძვით. საცხოვრებელი არ გვაქვს, რადგან დამეწყრილი ტერიტორიებიდან ვართ. "ოცნების ქალაქში" მცხოვრებ ბავშვს ბინა აუცილებლად უნდა გადაეცეს", - განაცხადა მარინა ბერიძემ.

გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
„ტო­ი­ო­ტა ცენ­ტრ თბი­ლი­სის“ ხარისხის მართვის მენეჯერი - ორიგინალი წარმოების ქარხნული ავტონაწილები ავტომობილის ექსპლუატაციის ვადას რეალურად ახანგრძლივებს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“