ფოთში კორონავირუსის 5 ახალი შემთხვევა გამოვლინდა.

საზოგადოებრივი ჯანდაცვის ადგილობრივი ცენტრის დირექტორის ინფორმაციით, ინფიცირებულებს შორის ერთი პედაგოგია, დანარჩენები კი სამკერვალო ფაბრიკა „აჭარა ტექსტილის“ კონტაქტები არიან.

მათივე თქმით, ეპიდემიოლოგიური კვლევები ამ დრომდე გრძელდება.

,,შესაძლოა, კორონავირუსის შემთხვევათა რაოდენობა კიდევ უფრო გაიზარდოს. მიმდინარეობს კონტაქტების დადგენა და ეპიდკვლევა. ჩვენს ქალაქში ვითარება კონტროლს ექვემდებარება და პანიკის საფუძველი არ არსებობს",- აცხადებს ფოთის საზოგადოებრივი ჯანდაცვის ცენტრის დირექტორი ნანა მხეიძე.

ამ დროისთვის ფოთში სულ კორონავირუსის 105 შემთხვევა გამოვლენილი, აქედან 28 გამოჯანმრთელდა. თვითიზოლაციაში 191 პირი იმყოფება.