ფოთში, 19 ოქტომბრიდან, პირველი, მეოთხე და მეხუთე საჯარო სკოლები დისტანციური სწავლის რეჟიმზე გადავა, ამის შესახებ ფოთის საგანმანათლებლო რესურს ცენტრის უფროსმა გოჩა ქორქიამ განაცხადა.
მისი თქმით, მე-12 საჯარო სკოლაში ონლაინ გაკვეთილები მხოლოდ ერთ დაწყებითი კლასს ჩაუტარდება.
„სამინისტროს მივაწვდით ინფორმაციას, პირველი, მეოთხე და მეხუთე საჯარო სკოლების დისტანციურ სწავლაზე გადასვლის თაობაზე. მე - 12 საჯარო სკოლაში კი მხოლოდ ერთი კლასი გადავა დისტანციურ რეჟიმზე, რადგან კორონავირუსი დაწყებითი კლასის მასწავლებელს დაუდასტურდა“, - განაცხადა გოჩა ქორქიამ.