პარლამენტის თავმჯდომარე არჩილ თალაკვაძემ ოზურგეთის კლინიკაში მოთავსებული ბავშვები მოინახულა, რომელთაც სავარაუდოდ კვებითი ინტოქსიკაცია აღენიშნებათ. ამის შესახებ “ინტერპერესნიუსს” პარლამენტის პრესსამსახურიდან აცნობეს.
"ოზურგეთის კლინიკაში მოვინახულე ბავშვები, ბაღის აღსაზრდელები, რომელთაც სავარაუდოდ, კვებითი ინტოქსიკაციის ნიშნები აქვთ. ნებისმიერი შემთხვევისთვის, გართულებებისგან თავის ასარიდებლად ისინი კლინიკის ბავშვთა განყოფილებაში არიან მოთავსებული. ექიმების თქმით, ექვსივე მათგანის მდგომარეობა დამაკმაყოფილებელია და იმედი მაქვს, მალე გაეწერებიან და ჯანმრთელები დაუბრუნდებიან საკუთარ ოჯახებს. სახელმწიფო სრულად აფინანსებს მათთვის საჭირო ყველა სამედიცინო მომსახურებას", - განაცხადა არჩილ თალაკვაძემ.
ცნობისთვის, ოზურგეთში საბავშვო ბაღების 83 ბავშვს ენტეროვირუსის ნიშნები აქვს, რის გამოც ბაღები დაიკეტა. 3 მათგანი კლინიკაშია გადაყვანილი.