ცხინვალის ოკუპირებული რეგიონის ე.წ. საგარეო საქმეთა მინისტრი დიმიტრი მედოევი აცხადებს, რომ საქართველოში არსებული წინასაარჩევნო სიტუაცია უკვე საკმაოდ დაძაბულია და არჩევნების შედეგებმა, შესაძლოა, მთელს რეგიონზე უარყოფითად იმოქმედოს.

„წინასაარჩევნო ვითარების გამწვავება და დაძაბულობა შეიმჩნევა მთელ საქართველოში, რაც, გარკვეულ ადგილებში პოლიტიკური და იდეოლოგიური პოლიტიკური პროცესის მონაწილეებს შორის მწვავე ჩხუბში გადადის. როგორც ჩანს, ეს „წინასაარჩევნო უვერტიურა" კენჭისყრის პირველი შედეგების გამოქვეყნების შემდეგ ცხელ ფაზაში გადავა. ამ განცხადების გაკეთების წინაპირობები არსებობს “, - აღნიშნა მედოევმა Sputnik– თან ინტერვიუში.

მისივე თქმით, ბოლო დროს „საქართველოში მიმდინარე მოვლენები და ოპოზიციის ლიდერების განზრახ შენიღბული ზრახვები, არ აღიარონ კენჭისყრის შედეგები, ახალი ქართული რევოლუციის ძალიან რეალურ საფრთხეს ქმნის“, მოვლენების ამგვარი განვითარება კი „სიტუაციას არა მხოლოდ საქართველოში, არამედ მთელს რეგიონში გაამწვავებს.“