შოთა ნარეკლიშვილი და ირაკლი შიოშვილი თელავში ავტოსადგომის მშენებლობის პროცესს გაეცნენ

თელავში 40 ერთეულ ავტობუსზე გათვლილი ახალი ავტოსადგომის მშენებლობა აქტიურად მიმდინარეობს, - ამის შესახებ „ინტერპრესნიუსს“ თელავის მუნიციპალიტეტის მერიიდან აცნობეს.

მათი ინფორმაციით, კახეთის მხარეში სახელმწიფო რწმუნებულის მოვალეობის შემსრულებელი ირაკლი შიოშვილი და თელავის მუნიციპალიტეტის მერი შოთა ნარეკლიშვილი მშენებლობის პროცესს ადგილზე გაეცნენ.

პროექტი რეგიონული განვითარების ფონდის მიერ ფინანსდება და მისი ჯამური ღირებულება მილიონ ლარზე მეტია.

„ავტოსადგომის მშენებლობის პროცესი წლის ბოლომდე დასრულდება. პირველ ეტაპზე თელავს 10 ერთეული ახალი ავტობუსი გადაეცემა, რომელიც ქალაქის მასშტაბით შეასრულებს მარშრუტებს“, - აღნიშნულია თელავის მერიის მიერ გავრცელებულ განცხადებაში.