ფოთში, ონლაინ სწავლების რეჟიმზე კიდევ ორი სკოლა გადავიდა. საგანმანათლებლო რესურს ცენტრის დირექტორის გოჩა ქორქიას ინფორმაციით, მე-7 და მე-12 საჯარო სკოლებში კორონავირუსის შემთხვევები დაფიქსირდა. მისივე თქმით, მოსწავლეებს გაკვეთილები დისტანციურად, დაახლოებით, ერთი კვირის განმავლობაში ჩაუტარდებათ. არსებული მდგომარეობის შეფასების შემდეგ გადაწყდება, თუ რა ფორმით გაგრძელდება სწავლა აღნიშნულ სკოლებში.

ამ დროისთვის ფოთში, სულ ონლაინ სწავლების რეჟიმზე ექვსი საჯარო სკოლაა გადასული.