გარდაბნის მუნიციპალიტეტის საზოგადოებრივი ჯანდაცვის ცენტრის ინფორმაციით, კორონავირუსით ინფიცირების შემთხვევების გამო, სასწავლო პროცესი გარდაბნის კიდევ ორ საჯარო სკოლაში შეწყდა.
სასწავლო პროცესი დღეისათვის გარდაბნის მუნიციპალიტეტის 4 სკოლასა და სამ საბავშვო ბაღშია შეწყვეტილი. მთლიანდ დისტანციური სწავლების რეჟიმზე გადავიდა გარდაბნის ორი სკოლა, სოფელ გამარჯვებისა და მარტყოფის საჯარო სკოლები, ამასთანავე სასწავლო-სააღმზრდელო პროცესი შეწყდა სოფელ გამარჯვების სამ საბავშვო ბაღში.
ქვემო ქართლის რეგიონში კოვიდინფიცირების 76 ახალი შემთხვევიდან 2 გარდაბანში დაფიქსირდა. ბოლო ორი დღის განმავლობაში კი კოვიდინფიცირებულთა რაოდენობა გარდაბანში 20-ით გაიზარდა და 72-ს მიაღწია.