ქუთაისში, კონსტანტინე გამსახურდიას ქუჩის მე-16 შესახვევში, გზის სრული რეაბილიტაცია მიმდინარეობს.

როგორც „ინტერპრესნიუსს“ ქუთაისის მუნიციპალიტეტის მერიიდან აცნობეს, ქუჩაზე ასფალტის საფარის დაგების პროცესი ქუთაისის მერის მოვალეობის შემსრულებელმა დავით ერემეიშვილმა, მერიის ინფრასტრუქტურის სამსახურის უფროსთან, ბექა ყურაშვილთან ერთად დაათვალიერა.

მათივე ინფორმაციით, სამუშაოებს ტენდერში გამარჯვებული ფირმა „დაგი +“ აწარმოებს. აღნიშნული გზის მონაკვეთისთვის 145 ათასი ლარი იხარჯება. ამასთან, აღნიშნული კომპანია გამსახურდიას ქუჩის პირველი შესახვევის და ნინოშვილის ქუჩის პირველი ჩიხის რეაბილიტაციასაც აწარმოებს. ჯამში ამ სამუშაოებისთვის 340 ათასი ლარია გამოყოფილი.