ექიმის ინფორმაციით, ბათუმის რესპუბლიკურ საავადმყოფოში კორონავირუსით ინფიცირებული 10 პაციენტის ჯანმრთელობის მდგომარეობა კრიტიკულად მძიმეა
ბათუმის რესპუბლიკურ საავადმყოფოში კორონავირუსით ინფიცირებული 199 პაციენტიდან 48 რეანიმაციულ განყოფილებაში იმყოფება.
როგორც კლინიკის ექიმი გია კიკაბიძე „ინტერპრესნიუსთან" საუბრისას აცხადებს, 10 პაციენტის ჯანმრთელობის მდგომარეობა კრიტიკულად მძიმეა, ისინი მართვით სუნთქვაზე იმყოფებიან.
„გუშინ 14 პაციენტი გამოჯანმრთელდა, რომელიც უკვე გავწერეთ, ასევე 14 პაციენტი კოვიდ კარანტინში მოვათავსეთ, ისინი ექიმების მეთვალყურეობის ქვეშ იმყოფებიან. გასულ 24 საათში ჩვენს კლინიკაში 3 პაციენტი გარდაიცვალა",- აღნიშნა კიკაბიძემ.
აჭარის ჯანდაცვის სამინისტროს ინფორმაციით, გასული 24 საათის განმავლობაში აჭარაში გამოჯანმრთელდა 262 კოვიდ დადებითი პაციენტი. საერთო ჯამში რეგიონში გამოჯანმრთელებულია 7072 პაციენტი.
უწყების ცნობით, დადასტურდა კორონავირუსით ინფიცირების 545 ახალი შემთხვევა.
v-if="article.gallery" v-html="article.gallery"
