ოკუპირებულ აფხაზეთში კორონავირუსის 68 ახალი შემთხვევა დაფიქსირდა, ორი ადამიანი გარდაიცვალა, - ამის შესახებ ინფორმაციას ე.წ. ოპერატიული შტაბი ავრცელებს.

მათივე ინფორმაციით, ბოლო დღე-ღამის განმავლობაში კორონავირუსის ინფექციაზე ტესტირება 427 ადამიანს ჩაუტარდა.

ე.წ ოპერატიული შტაბის ინფორამციით, ამ დროისთვის გუდაუთის ცენტრალურ რაიონულ საავადმყოფოში 135 ადამიანი იმყოფება სტაციონარულ მკურნალობაში, მათგან 113-ს დადასტურებული აქვს COVID-19. 29 ადამიანი მძიმე მდგომარეობაშია, 36 პაციენტის ჯანმრთელობის მდგომარეობა საშუალო სიმძიმისაა. 13 პაციენტი კლინიკიდან გაწერეს.