ქუთაისში „ნაციონალური მოძრაობის" საარჩევნო შტაბთან გრიგოლ ვაშაძის ბანერები დააზიანეს.

უცნობმა პირებმა ბანერზე წითელი საღებავით წარწერები „კგბ" დატოვეს.

ორგანიზაციაში მომხდარს „ქართულ ოცნებას" უკავშირებენ. „ნაციონალურ მოძრაობის" ქუთაისის მერობის კანდიდატის, გიგა შუშანიას თქმით, იმ დროს როცა პარტიის ყველა წევრი და მხარდამჭერი თბილისში იყო, „ოცნების" აქტივისტები მალულად მივიდნენ და სისხლის სამართლის დანაშაული ჩაიდინეს.

შუშანია კანდიდატებს მომხდარი ფაქტის დაგმობისკენ მოუწოდებს.