გოგი მეშველიანი - ჩვენი ოპონენტების მცდელობის მიუხედავად, წინასაარჩევნო პროცესი წარიმართა თავისუფალ და გამჭვირვალე გარემოში

ჩვენი ოპონენტების მცდელობის მიუხედავად, წინასაარჩევნო პროცესი წარიმართა თავისუფალ და გამჭვირვალე გარემოში, - ამის შესახებ ბოლნისში "ქართული ოცნების" მაჟორიტარობის კანდიდატი გოგი მეშველიანი სოციალურ ქსელში წერს.

როგორც "ფეისბუქის" საკუთარ გვერდზე გოგი მეშველიანი აღნიშნავს, "ქართული ოცნება" პირველივე ტურში გაიმარჯვებს.

"ძალიან საინტერესო და პოზიტიური საარჩევნო კამპანია გვქონდა. ჩვენ მაჟორიტარულ ოლქში შევხვდით ყველა სოფლის, დაბისა და ქალაქის მოსახლეობას, ვესაუბრეთ უამრავ ადამიანს და მინდა გითხრათ, რომ საზოგადოების განწყობა ძალიან პოზიტიურია. სწორედ თქვენი დამოკიდებულება მაძლევს იმის თქმის უფლებას, რომ ჩვენ პირველივე ტურში გავიმარჯვებთ!

ჩვენი ოპონენტების მცდელობის მიუხედავად, წინასაარჩევნო პროცესი წარიმართა თავისუფალ და გამჭვირვალე გარემოში. დესტრუქციული ძალების პროვოკაციებმა, ჩვენ და ჩვენი მხარდამჭერები უფრო გაგვაძლიერა და მეტი შემართება მოგვცა. დარწმუნებული ვარ, რომ ამ ბრძოლაში ღირსეულად გავიმარჯვებთ.

მინდა, მადლობა გადავუხადო ჩემს გუნდს, თითოეულ მხარდამჭერს და აქტივისტს ერთგულებისთვის, მხარდაჭერისა და თანადგომისთვის. მე თქვენით ვარ ძლიერი და მჯერა ხვალ ერთად, კიდევ ერთხელ, მოვიპოვებთ დამაჯერებელ გამარჯვებას!

ერთად საქართველოს წარმატებისთვის", - წერს გოგი მეშველიანი.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის