უმაღლესი საარჩევნო კომისიის ინფორმაციით, აჭარის რეგიონში სამი საოლქო კომისიაა გახსნილი და 373 უბანზე ხმის მიცემა მიმდინარეობს, მათ შორის ერთი სპეცუბანია, რომელიც პენიტენციურ დაწესებულებაში არის გახსნილი. ამასთან, ფუნქციონირებს 24 კოვიდუბანი.
აჭარაში 314 ათას 889 ამომრჩეველია რეგისტრირებული, აქედან 147 292 ბათუმში, 70 837 ქობულეთში, 96 760 კი ქედა, შუახევსა და ხულოში.
აჭარის უმაღლესი საარჩევნო კომისიის ინფორმაციით, აჭარაში 22 პოლიტიკური სუბიექტი და 46 მაჟორიტარობი კანდიდატია რეგისტრირებული.
აჭარაში საქართველოს საპარლამენტო არჩევნების პარალელურად აჭარის უმაღლესი საბჭოს არჩევნები მიმდინარეობს.
საარჩევნო უბანზე მისულ ამომრჩეველს სხვა რეგიონებისგან განსხვავებით ხმის მისაცემად ოთხი ბიულეტენი დახვდებათ.