ირაკლი ჩიქოვანი - მეორე ტურს არ ველოდები, ჩვენ ამ საარჩევნო რეჟიმის დასრულებას დღესვე შევძლებთ

მეორე ტურს არ ველოდები, მე მაქვს ღრმა რწმენა, რომ ზუგდიდელები მხარს დამიჭერენ და ჩვენ ამ საარჩევნო რეჟიმის დასრულებას დღესვე შევძლებთ, - ამის შესახებ ჟურნალისტებს ზუგდიდში „ქართული ოცნების“ მაჟორიტარი დეპუტატობის კანდიდატმა ირაკლი ჩიქოვანმა განაცხადა.
მისივე თქმით, ზუგდიდში მოქალაქეები მშვიდ არჩევანს გააკეთებენ.
„სამწუხარო რეალობაა, რომ დღეს ქვეყანაში კვლავაც არსებობენ პოლიტიკური ძალები, რომელთათვის პოლიტიკური ბრძოლის მეთოდი არის მხოლოდ და მხოლოდ პროვოკაცია და არეულობა. ეს არის რეალობა. მიუხედავად ყველაფრისა, მე დარწმუნებული ვარ ისინი ვერაფერს შეძლებენ, მათ შედეგი არ ექნებათ. ჩვენ ზუგდიდში გავაკეთებთ მშვიდ არჩევანს. არჩევნები ჩატარდება თავისუფალ და მშვიდ რეჟიმში. შესაბამისად, ყველა დაინახავს, რომ ზუგდიდში „ქართულ ოცნებას“ და მის მაჟორიტარ კანდიდატს აქვს უზარმაზარი მხარდაჭერა“, - განაცხადა ჩიქოვანმა.

























