„ნაცმოძრაობის“ წევრის ინფორმაციით, ფოთში თითქმის ყველა საარჩევნო უბანზე ,,ქართული ოცნების" აგიტატორები არიან მობილიზებული
ფოთში თითქმის ყველა საარჩევნო უბანზე ,,ქართული ოცნების" აგიტატორები არიან მობილიზებული და ადგილზე მისულ ამომრჩევლებს მმართველი პარტიის მხარდაჭერისკენ მოუწოდებენ. ამის შესახებ ,,ერთიანი ნაციონალური" მოძრაობის ფოთის ორგანიზაციის წევრმა დარეჯან ცხვიტარიამ განაცხადა. მისი თქმით, ეს კანონდარღვევაა.
ადგილზე შეკრებილი ადამიანები ოპოზიციის განცხადებებს უარყოფენ და ამბობენ, რომ უბანზე თავიანთი სურვილით მივიდნენ და პირბადეებს არიგებენ.
„ხალხს არ აძლევენ იმის შესაძლებლობას, რომ ნორმალურად გააკეთონ არჩევანი. ამათ გონიათ, თუ აგიტატორს დააყენებენ და ხალხს ჩაუტარებენ რაღაც ლექციას, მათ მისცემენ ხმას. აი, ასეთი სულმდაბლები არიან“, - აცხადებს დარეჯან ცხვიტარია.
ცხვიტარიას ბრალდებებს ,,ქართულ ოცნებაში“ უსაფუძვლოს უწოდებენ და საკითხზე კომენტარს არ აკეთებენ.
