ბათუმის 21-ე საარჩევნო უბანთან ერთმანეთს „ნაცმოძრაობისა" და „ქართული ოცნების" აქტივისტები დაუპირისპირდნენ, დაკავებულია 2 პირი
ბათუმის 21-ე საარჩევნო უბანთან ერთმანეთს „ერთიანი ნაციონალური მოძრაობისა" და „ქართული ოცნების" აქტივისტები დაუპირისპირდნენ.
მოქალაქეების ინფორმაციით, 21-ე საარჩევნო უბანთან „ქართული ოცნების" მხარდამჭერები მიკროავტობუსებში ისხდნენ და უბანზე მისული მოქალაქეების სიებს ადგენდნენ.
ფაქტი „ერთიანი ნაციონალური მოძრაობის" აქტივისტმა ტელეფონით დააფიქსირა, რაზეც სიტყვიერი და მცირე ფიზიკური დაპირისპირება მოხდა.
შინაგან საქმეთა სამინისტროს ინფორმაციით, მომხდარზე წვრილმანი ხულიგნობის ბრალდებით ორი პირი დააკავა.
