გორის მუნიციპალიტეტის მერის წარმომადგენელი, ალექსი მთვარაძე სიცრუეს უწოდებს ოპოზიციის მიერ გავრცელებულ ინფორმაციას, თითქოს, სოფელ შინდისში, საარჩევნო უბნის სიახლოვეს, მან მხარდაჭერებს ქუჩაში სუფრა გაუშალა.

„აბსოლუტურად სიცრუა. ახლა დამირეკეს და მითხრეს, რომ ოპოზიციის წარმომადგენლებს გაუვრცელებიათ ინფორმაცია, თითქოს, მე გავშალე ქუჩაში სუფრა. არაფერი ვიცი და თუ ვინმემ რამე სუფრა გაშალა ან მაგიდა გამოიტანა სახლიდან გარეთ, მე ამასთან არანაირი კავშირი არ მაქვს. სოფელში გარეგანათების სისტემა კეთდება და დილიდან ამ ჯგუფთან ერთად ვარ“, - განაცხადა ალექსი მთვარაძემ.

სოფელი შინდისი, რომელიც გორის მუნიციპალიტეტის ტერიტორიაზე მდებარეობს, ქარელი-ხაშურის საარჩევნო ოლქში შედის.