მარნეულში, მე-3 საარჩევნო უბანზე ხმაურია. როგორც ჟურნალისტებთან საუბარში „ერთიანი ნაციონალური მოძრაობის" წარმომადგენელმა ლაშა ქველაძემ განაცხადა, აღნიშნულ უბანზე ადამიანები ხმას რამდენჯერმე აძლევენ. ის რამდენიმე საარჩევნო უბნის გაუქმებას და ხმების ბათილად ცნობას ითხოვს.
„ერთი და იგივე პირები რამდენჯერმე - 4-ჯერ და 5-ჯერ შედიან ხმის მისაცემად. პირდაპირ შემიძლია გითხრათ, ისე ატარებენ არჩევნებს ფეხებზე კიდიათ საარჩევნო კოდექსი. "ოცნებიდან" დირექტივა და დავალება აქვთ მიღებული, რასაც ასრულებენ. 2018 წელს, საპრეზიდენტო არჩევნების დროს ოლქის წევრი ვიყავი და მსგავსი არაფერი მაშინაც კი არ მინახავს",- აცხადებს ქველაძე.
მისივე განმარტებით, მათ დამკვირვებელს ერთ-ერთ საარჩევნო უბანზე "ოცნების" კოორდინატორი, იაგო ლომსაძე კომისიის წევრს არჩევნების შემდეგ ფიზიკური ანგარიშსწორებით ემუქრება.