რუსთავში, 15:00 საათის, მონაცემებით, საარჩევნო უბნებზე საკუთარი არჩევანის დაფიქსირების მიზნით 39 719 ამომრჩეველი მივიდა, რაც საერთო რაოდენობის 36,97%-ია.
როგორც რუსთავის საოლქო საარჩევნო კომისიაში აცხადებენ, ამ დროისთვის 5 საჩივარია შესული.
#81 და #14 საარჩევნო უბნებზე და მიმდებარე ტერიტორიაზე ცოტა ხნის წინ მცირე ინციდენტები მოხდა, კერძოდ #81 საარჩევნო უბანზე სიტყვიერი დაპირისპირება იმის გამო დაიწყო, რომ ამომრჩევლებს ერთ-ერთი მედიასაშუალების წარმომადგენლები ფოტოს უღებდნენ.
რუსთავში ამ დროისთვის უბნებზე ამომრჩევლების რიგებია.
რუსთავში 84 საარჩევნო უბანია, დამატებით 6 სპეცუბანი, რომელთა შორის 3 პენიტენციურ დაწესებულებაშია, ხოლო 3 კოვიდსასტუმროში.
ამომრჩეველთა საერთო რაოდენობა კი 107 425-ია.