პროცესი რაც დღეს ქვეყანაში მიმდინარეობს ქვეყნის განვითარებისა და წინსვლის საწინდარია. ხმა მივეცი საქართველოს მომავალს, - ამის შესახებ მცხეთის, დუშეთის, თიანეთის და ყაზბეგის საარჩევნო ოლქში, პარტია „ქართული ოცნება-დემოკრატიული საქართველოს“ მაჟორიტარი დეპუტატობის კანდიდატმა შალვა კერესელიძემ განაცხადა.

მისივე თქმით, პანდემიის პირობებიდან გამომდინარე ყველა რეგულაცია გათვალისწინებულია.

„ხმა მივეცი საქართველოს მომავალს, ხმა მივეცი საქართველოს წარმატებას, ის პროცესი, რაც დღეს ქვეყანაში მიმდინარეობს ქვეყნის განვითარებისა და წინსვლის საწინდარია. შესაბამისად, კიდევ ბევრ მნიშვნელოვან და სასიკეთო პროექტებს განვახორციელებთ ჩვენი ქვეყნის სასიკეთოდ. მინდა გითხრათ, რომ მცხეთა-მთიანეთის რეგიონში საარჩევნო პროცესი მიმდინარეობს ძალიან მშვიდად. ყველა მუნიციპალიტეტში აქტივობა ძალიან კარგია, რაც სასიხარულოა და მისასალმებელი. ასევე პანდემიის პირობებიდან გამომდინარე რეგულაციები ყველანაირად დაცულია.“-განაცხადა შალვა კერესელიძემ.