ირაკლი კობახიძე ოპოზიციის წარმომადგენლების განცხადებებს, არჩევნების შედეგების გაყალბების თაობაზე, აბსურდს უწოდებს

„ქართული ოცნების“ აღმასრულებელი მდივანი, ირაკლი კობახიძე აბსურდს უწოდებს ოპოზიციის წარმომადგენლების განცხადებას იმის შესახებ, რომ არჩევნების შედეგები გაყალბებულია.

კობახიძის თქმით, ცესკო-ს ოქმებში მანიპულირების საშუალება არავის არ აქვს.

„ყველამ იცის, როგორ ითვლება შედეგები და როგორ ხდება ოქმების შედგენა, რომელსაც ესწრება 12 კომისიის წევრი საიდანაც 3 არის ოპოზიციის მიერ დანიშნული და ამ პროცესს ესწრებიან დამკვირვებლები და წარმომადგენლები.

იქ დგება ოქმი და ეს ოქმი მოდის მერე ცესკო-ში, არავის არაფრის შეცვლა არ შეუძლია და ყველამ კარგად იცის ეს. შესაბამისად, რაც იქნება ასახული ოქმებში, საბოლოო ჯამში ის იქნება ასახული ცესკოს ვებ- გვერდზეც. არავის არ შეუძლია იქ რამის შეცვლა და მანიპულირება, ეს ძალიან კარგად იციან მათ, თუმცა ამის მიუხედავად მოაწყეს საბოტაჟი ცესკოში და შეაწყვეტინეს ბრიფინგი თავმჯდომარეს“, - განაცხადა კობახიძემ.

ცნობისთვის, ცენტრალური საარჩევნო კომისიის წინასწარი მონაცემებით, „ქართულ ოცნებას“ ხმების 54,72%, „ ერთიან ნაციონალურ მოძრაობას“ 23,61%, ხოლო „ევროპულ საქართველოს“ 3,99% აქვს. ცესკოს ინფორმაციით, 3847 უბნიდან მონაცემები დათვლილია 1 085 უბნის მიხედვით.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს