ცენტრალურ საარჩევნო კომისიაში შესვლას ადვოკატი ბექა ბასილაია ითხოვს. როგორც მან ცესკოს გარე პერიმეტრზე მობილიზებულ პოლიციას განუცხადა, მას სრული უფლება აქვს ცესკოში შევიდეს, რადგან შესაბამისი აკრედიტაცია გააჩნია. როგორც ბასილაიამ აღნიშნა, პოლიცია არღვევს კანონს, რადგან მას შენობაში არ უშვებენ.

"სისხლის სამართლის დანაშაულია უფლებამოსილების გადამეტება. ხმებს ხომ იპარავენ და ამას ემატება კიდევ ეს დანაშაული. რატომ არ მატარებთ? ცესკოში ოფიციალური წარმომადგენელი ვარ. რატომ არ მატარებთ არ ვიცი. კანონის მოთხოვნაა, რომ ცესკოში წარმომადგენელს დაუბრკოლებელი შესვლის უფლება უნდა ჰქონდეს. არჩევანის უფლებას ხომ ართმევენ ქართველ ხალხს, ახლა გაპროტესტების და ხმის დაცვის უფლებას გვართმევენ. ამის იქეთ სამართალი აღარ არის. ამის იქეთ არის ხმების დაცვის ის მეთოდები, რის შესაძლებლობასაც საქართველოს კონსტიტუცია ითვალისწინებს",- განაცხადა ბასილაიამ.