გიგა ბოკერია - ჩვენ გვაქვს ნებისყოფა და რწმენა, რომ მორალურად გავტეხოთ ივანიშვილი და მისი პოლიტიკური „კლოუნების“ გარემოცვა

ჩვენ გვაქვს გამოცდილება, როდესაც მწარე მარცხი მიგვიღია, მათ შორის, არალეგიტიმური მეთოდებით,- ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ ბრიფინგზე განაცხადა.

გიგა ბოკერიას თქმით, ოპოზიციას აქვს ნებისყოფა ბიძინა ივანიშვილი და მისი „პოლიტიკური კლოუნების გარემოცვა“ მორალურად გატეხოს.

„პირადად მეც და „ევროპული საქართველოს“ გუნდიც ასეთ საკითხებში ძალიან დიდ მნიშვნელობას ვანიჭებდით საპარლამენტო ცხოვრებას და სახელმწიფო ინსტიტუტებში მონაწილეობას, როდესაც უმცირესობაში ხარ.

ჩვენ გვაქვს გამოცდილება, როდესაც მწარე მარცხი მიგვიღია, მათ შორის, არალეგიტიმური მეთოდებით. ამის გამო ან ემოციურად, ან რას იტყოდნენ ჩვენი ამომრჩევლები არ შეგვშინებია ისეთი გადაწყვეტილების მიღება, რომელიც შეიძლება რადიკალურ მომხრეს არ მოეწონოს.

ოპოზიციის ერთიანობა არის უმნიშვნელოვანესი არგუმენტები იმისთვის, რომ მოვახდინოთ იზოლაცია ამ ჩვენი ქვეყნისთვის საშიში, პოლიტიკურად მომაკვდინებელი რეჟიმის და ადამიანის, რასაც ბიძინა ივანიშვილი ჰქვია.

ჩვენ გვაქვს ნებისყოფა და რწმენა, რომ მორალურად გავტეხოთ ეს კაცი და მისი პოლიტიკური „კლოუნების“ გარემოცვა, რომლებმაც საქართველოს თავს მოახვია ჩვენი ქვეყნისთვის საშიში ტენდენცია, სრული ძალაუფლების მონოპლიზაცია, დაშინება, ძალადობა და გაჭირვებაში მყოფი მოქალაქეების მოსყიდვა“,-განაცხადა გიგა ბოკერიამ.

შეგახსენებთ, „ევროპული საქართველო“ ახალი მოწვევის პარლამენტში შესვლასა და მანდატებზე უარს ამბობს.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე