ბათუმში, პუშკინისა და ლორიას ქუჩების კვეთაზე გასროლის ხმა იყო. არსებული ინფორმაციით, გასროლის ხმა ე.წ. ვულკანიზაციის მიმდებარე ტერიტორიაზე დაფიქსირდა.

მოქალაქეების განცხადებით, ორმა პირმა ვულკანიზაციის მიმართულებით ცეცხლსასროლი იარაღიდან ისროლა. შემთხვევის შედეგად არავინ დაშავებულა.

ადგილზე სამართალდამცავები იმყოფებიან.

როგორც "ინტერპრესნიუსს" საქართველოს შინაგან საქმეთა სამინისტროში განუცხადეს, ფაქტზე გამოძიება "სისხლის სამართლის კოდექსის" ორი მუხლით დაიწყო, ერთი 126-ე რაც ძალადობას, ხოლო მეორე 236-ე მუხლით რაც იარაღის უკანონოდ ტარებას გულისხმობს.