ბათუმის რესპუბლიკურ საავადმყოფოში კორონავირუსით ინფიცირებული 210 პაციენტიდან 51 რეანიმაციულ განყოფილებაში არის მოთავსებული.

როგორც კლინიკის ექიმი გია კიკაბიძე აცხადებს, 15 პაციენტის ჯანმრთელობის მდგომარეობა კრიტიკულად მძიმეა. მათ ჟანგბადი მუდმივ რეჟიმში მიეწოდებათ.

„კლინიკურ განყოფილებაში 150 პაციენტი გვყავს მოთავსებული. მათი მდგომარეობა საშუალო სიმძიმისაა. პაციენტებს ორმხრივი პნევმონია აღენიშნებათ, ხოლო 24 პაციენტი გამოჯანმრთელდა და უკვე ბინაზე გაეწერა“, - აღნიშნა გია კიკაბიძემ.

ცნობისთვის, აჭარაში საერთო ჯამში, 4700-მდე ადამიანი არის ინფიცირებული, 1074 კი კლინიკაში მკურნალობს.

გასული 24 საათის განმავლობაში აჭარაში 5 ადამიანი გარდაიცვალა.