ზაალ უდუმაშვილი - ნურავინ იფიქრებს, რომ ნიკა მელიას დაკავებით პროცესების განეიტრალება მოხდება, პირიქით

ნურავინ იფიქრებს, რომ ნიკა მელიას დაკავებით პროცესების განეიტრალება მოხდება, პირიქით, - ამის შესახებ „ნაციონალური მოძრაობის“ წევრმა, ზაალ უდუმაშვილმა ჟურნალისტებთან განაცხადა.

როგორც მან აღნიშნა, ივანიშვილი დიდი ხანია ოცნებობს გაანეიტრალოს ნიკა მელია, რომელიც მთლიანად ოპოზიციის გამორჩეული ლიდერია.

„დღეს სასამართლოს ჩანიშვნა იმას ემსახურება, რომ ნიკა მელია, არამხოლოდ გაერთიანებული ოპოზიციის, არამედ მთლიანად ოპოზიციის ეს გამორჩეული ლიდერი იყოს განეიტრალებული, ამაზე ოცნებობს ივანიშვილი უკვე დიდი ხანია, მაგრამ დღემდე ვერ მოახერხა და ახლა ცდილობს ამ მეთოდით რაღაცნაირად ნიკა მელიას იზოლაცია მოახერხოს. ამ ყველაფერს მოჰყვება ძალიან მძიმე შედეგები, ის პროცესები, რომელიც უკვე დაწყებულია და ვგულისხმობ ოპოზიციის ერთიანობას, სტრატეგიას, კიდევ უფრო დაჩქარდება,“- განაცხადა უდუმაშვილმა.

ცნობისთვის, გენერალური პროკურატურა სასამართლოს „ნაციონალური მოძრაობის“ ერთ-ერთი ლიდერის, ნიკა მელიასთვის 100 000 ლარის ოდენობის გირაოს შეფარდებას ითხოვს.

როგორც „ინტერპრესნიუსს“ პროკურატურაში განუცხადეს, უწყება ასევე მოითხოვს, მელიას საზღვრის გადაკვეთის შეზღუდვა დაუწესდეს.

პროცესი დღეს, 17:00 საათზეა დანიშნული.

შეგახსენებთ, ნიკა მელიას 20 ივნისის საქმეზე აღკვეთის ღონისძიების სახით გირაო აქვს შეფარდებული. ასევე, სასამართლოს გადაწყვეტილებით, მას ელექტრონული სამაჯური ეკეთა, თუმცა „ნაციონალური მოძრაობის“ ერთ-ერთმა ლიდერმა, პროკურატურის მიერ დამაგრებული ელექტრონული სამაჯური 1-ელ ნოემბერს, საჯაროდ, რუსთაველის გამზირზე მიმდინარე საპროტესტო აქციაზე მოიხსნა.

ამირან სალუქვაძე - პოლიტიკური კულტურის ამაღლების გარეშე დავდგებით კოალიციების საჭიროების წინაშე, რაც ქვეყანას პერმანენტულ ქაოსურ პროცესებში გადაიყვანს
ქართული პრესის მიმოხილვა 25.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
საპენსიო სააგენტოს დირექტორის მოადგილე ანა კეკელიძე - საპენსიო სააგენტოს ამოცანას წარმოადგენს საერთაშორისო სტანდარტების შესაბამისი მომსახურების დანერგვა
"ლიბერთი ბანკი" სპეციალურ განცხადებას ავრცელებს
აჭარის ავტონომიური რესპუბლიკის ფინანსთა და ეკონომიკის მინისტრი და "ტოიოტა კავკასიის" პრეზიდენტი "ტოიოტა ცენტრ ბათუმს" ესტუმრნენ
Hotsale.ge-ის აქცია - დამატებით 20%-მდე დანაზოგი ტექნიკასა და სასტუმროებზე „კრედო  ბანკის“ განვადებით სარგებლობისას
ქობულეთში შატოს ტიპის ახალი კომპლექსი „შატო კვირიკე“ გაიხსნა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება